Logo

Phone

(+95 9) 404253660

ALP

 

ALP – Arakan Liberation Party

ရခိုင်ပြည် လွတ်မြောက်ရေး ပါတီ

 

လက်နက်ကိုင်တပ်ဖွဲ့ – ရခိုင်လွတ်မြောက်ရေးတပ်မတော် (ALA)

အစိုးရက ခေါ်သောအမည် – ရခိုင်ပြည်နယ် လွတ်မြောက်ရေးပါတီ (RSLP)

 

 

UNFC member (Under ANC)

 

NCCT member (Under ANC)

 

 

သမိုင်းကြောင်း

 

ခိုင်မိုးလင်း ဦးဆောင်သော ရခိုင်လွတ်မြောက်ရေးပါတီ (ALP) ကို ၁၉၇၄ ခုနှစ်တွင် စတင်ဖွဲ့စည်းခဲ့သည်။ ရခိုင်လွတ်မြောက်ရေးပါတီ၏ လက်နက်ကိုင်တပ်ဖွဲ့အဖြစ် ရခိုင်လွတ်မြောက်ရေးတပ်မတော် (ALA) ကိုလည်း ဖွဲ့စည်းခဲ့သည်။

ဦးဆောင်သူ ခိုင်မိုးလင်းက ”ရခိုင်ပြည်လွတ်မြောက်ရေးအတွက် လက်နက်ကိုင်တော်လှန်ရေးမှတစ်ပါး အခြား မရှိ၊ ရခိုင်ပြည်လွတ်မြောက်ရေးအတွက် ရခိုင်တပ်မတော်ကို တည်ဆောက်ကြ” ဟု ကြွေးကြော်ကာ  ALA ကို တည်ဆောက်ခဲ့သည်။

ALP ကို ၁၉၆၇ ခုနှစ်ကတည်းက စတင်ဖွဲ့စည်းခဲ့သော်လည်း ၁၉၇၄ ခုနှစ်ရောက်မှ သိသာ ထင်ရှားလာခဲ့သည်။ ALP/ALA သည် ၁၉၇၄ ခုနှစ် ဇွန်လမှ ၁၉၇၆ ခုနှစ် ဇွန်လအထိ KNU နှင့် အတူ တွဲဖက် လုပ်ရှားခဲ့သည်။

ALP/ALA သည် ရခိုင်ပြည်နယ်အတွင်း ဝင်ရောက်လှုပ်ရှားနိုင်ရန်အတွက် KNU စခန်းမှတဆင့် ရှမ်းပြည်နယ် အတွင်း ကျော်ဖြတ်ကာ ကချင်ပြည်နယ်မှ ချင်းပြည်နယ်အတွင်း အဝင်တွင် မ.ဆ.လအစိုးရ၏ အနောက် မြောက်တိုင်း စစ်ဌာချုပ်မှ စစ်ဆင်ရေးအဆင့်ဆင့်နှင့် ရင်ဆိုင်တိုက်ပွဲဝင်ခဲ့ရသည်။

၁၉၇၇ ခုနှစ် ဇွန်လ ၄ ရက်နေ့တွင် ALP/ ALA ခေါင်းဆောင် ခိုင်မိုးလင်းနှင့် တပ်ဖွဲ့အင်အား အတော်များများ တိုက်ပွဲများအတွင်း ကျဆုံးခဲ့ရသည်။

ရခိုင်ပြည်လွတ်မြောက်ရေးပါတီ ALP သည် ၁၉၇၅ ခုနှစ် မေလ ၂၇ ရက်တွင် ကျင်းပခဲ့သော မာနယ်ပလော လူမျိုးပေါင်းစုံ နှီးနှောဖလှယ်ပွဲကို တက်ရောက်ခဲ့ပြီး ၂၈-၅-၁၉၇၅ ခုနှစ်တွင် ဖွဲ့စည်းလိုက်သော ပြည်နယ်ပေါင်းစုံ ပြည်ထောင်စု အမျိုးသားဒီမိုကရေစီ တပ်ပေါင်းစု (ပမဒတ) တွင် ပါဝင်ခဲ့သည်။ ရခိုင်ပြည်လွတ်မြောက်ရေး ပါတီ (ALP) မှ ခိုင်ဘကျော်၊ ခိုင်ရဲကျော်၊ ခိုင်ရဲခိုင်၊ ခိုင်စိုးနိုင်အောင်၊ ခိုင်မိုးမင်းတို့ တက်ရောက်ခဲ့ကြသည်။

အဖွဲ့အစည်းများကို ထပ်မံတိုးချဲ့လိုက်ပြီး (ပမဒတ) မှ (မဒတ) အဖြစ် ၁၉၇၆ မေလ(၁ဝ) ရက်တွင် ဖွဲ့စည်းခဲ့ ရာတွင် ALP သည် တက်ကြွစွာပါဝင်ခဲ့သည်။ ALP မှ ခိုင်စိုးနိုင်အောင်သည် မဒတ၏ အထွေထွေအတွင်းရေးမှူး အဖြစ် တာဝန်ယူခဲ့သည်။ စစ်အစိုးရကို ထိုးစစ်ဆင်တိုက်ခိုက်ရေးအတွက် မဒတ အမြဲတမ်းအဖွဲ့အဖြစ် ဖွဲ့စည်းရာ ALP သည် တပ်ဖွဲ့ဝင်အဖြစ် ပါဝင်ခဲ့သည့်အပြင် မဒတ အလယ်ပိုင်းတပ်နှင့် မဒတ တောင်ပိုင်းတပ်များကို ဖွဲ့စည်းရာတွင်လည်း ALP/ALA သည် တပ်ဖွဲ့ဝင်အဖြစ် ပူးပေါင်းပါဝင်ခဲ့သည်။

၁၉၈၅ ခုနှစ် ဖေဖေါ်ဝါရီလ ၁ဝ ရက်နေ့တွင် စတင်ခဲ့သော မဒတ ကိုယ်စားလှယ်အဖွဲ့၏ မြောက်ပိုင်း ခရီးစဉ်တွင် ALP မှ ကိုယ်စားလှယ်များ ပါဝင်လိုက်ပါခဲ့ပြီး ၁၉၈၅ ခုနှစ် မတ်လ ၂၄  ရက်နေ့တွင် ထုတ်ပြန်ခဲ့သော မဒတ ကိုယ်စားလှယ်အဖွဲ့နှင့် ဗမာပြည်ကွန်မြူနစ်ပါတီ ဗဟိုကော်မတီကိုယ်စားလှယ်အဖွဲ့တို့၏ ထုတ်ပြန်ချက် တွင်လည်း ရခိုင်ပြည်လွတ်မြောက်ရေးပါတီ ALP ပါဝင်ခဲ့သည်။

ALP သည် မဒတ လက်နက်ကိုင်အဖွဲ့အစည်းများနှင့် ဖွဲ့စည်းထားသော မဒတ တပ်ပေါင်းစုကြီးထဲတွင်သာမက ဒီမိုကရေအင်အားစုများ ၁၈-၁၁-၁၉၈၈ ခုနှစ်တွင် ပေါင်းစပ် ပါဝင်ဖွဲ့စည်းလိုက်သော မြန်မာပြည်ဒီမိုကရက်တစ် မဟာမိတ်အဖွဲ့ချုပ် (Democractic Alliance Of Burma) DBA တွင်လည်း အဖွဲ့ဝင်အဖြစ် ပူးပေါင်းပါဝင် ခဲ့သည်။

၇-၁-၁၉၉၇ မှ ၁၄-၁-၁၉၉၇ နေ့အထိ KNU ဒေသ မယ်သရောထာတွင် ကျင်းပပြုလုပ်ခဲ့သော တိုင်းရင်းသား နှီးနှောဖလှယ်ပွဲကြီး၏ ရလာဒ် မယ်သရောထာ သဘောတူညီချက်တွင် ALP က ပါဝင်လက်မှတ်ရေးထိုးခဲ့သည်။

ရှစ်လေးလုံးအရေးတော်ပုံကြီးနောက်ပိုင်း ၁၉၉ဝ ပြည့်ဝန်းကျင်ခန့်ကစပြီး ခိုင်ရဲခိုင် ဦးစီးသော ALP/ALA အဖွဲ့ကြီးသည် အိန္ဒိယ၊ ဘင်္ဂလားဒေရှ့်၊ မြန်မာနယ်စပ်၊ ရခိုင်ပြည်နယ်ဒေသအတွင်း ABSDF (အနောက်ပိုင်း အဖွဲ့)၊ ရခိုင်အဖွဲ့များနှင့် ညှိနှိုင်းဆွေးနွေးလှုပ်ရှားခဲ့သည့်အပြင် ခိုင်စိုးနိုင်အောင်ခေါင်းဆောင်သော ALP သည် ထိုင်းနယ်စပ် မဒတ၊ DAB တို့အပါအဝင် ဒီမိုကရေစီအင်းအားစုများနှင့်အတူ န.ဝ.တ၊ န.အ.ဖ စစ်အာဏာရှင် စနစ်ကို ဆန့်ကျင်ရေးတိုက်ပွဲများအတွင်း တောက်လျှောက်ပါဝင်ခဲ့သည်။

မဆလ စစ်အာဏာရှင်စနစ် ဆန့်ကျင်ရေးနှင့်အတူ ရခိုင်ပြည်လွတ်မြောက်ရေးအတွက် မဆလ စစ်အုပ်စုစိုးမိုးမှု ခေတ်ကာလကတည်းက ဖွဲ့စည်းတိုက်ပွဲဝင် ပေါ်ပေါက်ခဲ့သော ALP သည် န.ဝ.တ- န.အ.ဖ စစ်အာဏာရှင် စနစ်ကို ဆက်လက်ဆန့်ကျင် တိုက်ပွဲဝင်ရင်း ယနေ့အချိန်အထိ အခိုင်အမာ ရပ်တည်လှုပ်ရှားလျှက်ရှိသော လက်နက်ကိုင်တော်လှန်ရေး အဖွဲ့အစည်းဖြစ်သည်။

အကျဉ်းချုပ်

 

တည်ထောင်သည့်ရက်စွဲ                              – ၁၉၆၇ ခုနှစ် ဧပြီလ ၉ ရက်။ ၁၉၇၃ ခုနှစ် ။ ၁၉၈၁ ခုနှစ်

ဋ္ဌာနချုပ်                                                 – ရခိုင်ပြည်နယ်အနီး အိန္ဒိယနယ်စပ်

စစ်ရေးလှုပ်ရှားသည့် ဒေသ                 – အိန္ဒိယ-မြန်မာနယ်စပ်နှင့် ထိုင်း-မြန်မာနယ်စပ်

ခန့်မှန်းအင်အား                                        – ၆ဝ – ၁ဝဝ (ပါတီအဖွဲ့ဝင် ၂ဝဝဝ ခန့်)

ဆက်ဆံရေးရုံးများ                           – ကျောက်တော်မြို့နယ် ရခိုင်ပြည်နယ် (၃-၉-၂ဝ၁၂)

ပလက်ဝမြို့နယ်၊ ချင်းပြည်နယ် (ဆိုင်းငံ့ထားသည်။)

ဆက်ဆံရေးရုံးဖွင့်ရန် အဆိုပြုနေရာ        – စစ်တွေ၊ ကျောက်ဖြူ၊ မောင်တော၊ ရန်ကုန်နှင့် မြဝတီမြို့နယ်

 

ရခိုင်ပြည် လွတ်မြောက်ရေးပါတီ (ALP) သည် ရခိုင်ပြည်သူတို့ လွတ်မြောက်ရေးနှင့် တိုင်းရင်းသား အခွင့်အရေးများအတွှက် တောင်းဆိုလှုပ်ရှားလျက်ရှိသည်။

 

ALA စစ်စခန်းများ

၁။ တပ်ရင်း အမှတ် ၉ (ဘင်္ဂလားဒေ့ရှ် နယ်စပ်) ၊

၂။ ဓညဝတီ တပ်ရင်း၊

၃။ ရခိုင် ရိန်းဂျားတပ် (အိန္ဒိယနယ်စပ်)

၎။ ရမ္မာဝတီတပ်ရင်း (ကရင်ပြည်နယ်)

 

ALP ဋ္ဌာနခွဲများ

၁။ မဲဆောက် (ထိုင်းနိုင်ငံ)

၂။ ဒက္ကား (ဘင်္ဂလာဒေ့ရှ်)

၃။ နယူးဒေလီနှင့် ဂူဝါဟတီ (အိန္ဒိယနိုင်ငံ)

၎။ မလေးရှားနိုင်ငံ

၅။ အမေရိကန်ပြည်ထောင်စု

 

 

ဗဟိုအလုပ်အမှုဆောင် အဖွဲ့ဝင်များ

 

၂ဝ၁၄ ခုနှစ် နိုဝင်ဘာလ ၁၉ ရက်မှ ၂၄ ရက်ထိ ကျင်းပသော ၄ ကြိမ်မြောက် ညီလာခံတွင် ရွေးချယ်ခံရသော ဗဟိုအလုပ်အမှုဆောင် အဖွဲ့ဝင်များစာရင်း

 

ဥက္ကဋ္ဌ ဦးခိုင်ရဲခိုင်
ဒုတိယဥက္ကဋ္ဌ ၁ ဦးခိုင်ထွန်းဝင်း
ဒုတိယဥက္ကဋ္ဌ ၂ ဦးခိုင်စိုးနိုင်အောင်
အဖွဲ့ဝင် ဦးခိုင်အောင်ဇံဖြူ
အဖွဲ့ဝင် ဦးခိုင်မိုးချမ်း
အဖွဲ့ဝင် ဦးခိုင်ရန်မင်း
အဖွဲ့ဝင် ဦးခိုင်စိုးမြ
အဖွဲ့ဝင် ဦးခိုင်မျိုးချစ်
အဖွဲ့ဝင် ဦးခိုင်ရဲလင်း
၁ဝ အရန်ဗဟိုကော်မတီဝင် ဒေါက်တာ ခိုင်ဟိုက်နီလာအောင်
၁၁ အရန်ဗဟိုကော်မတီဝင် ဦးခိုင်မင်းစိုး
၁၂ အထွေထွေအတွင်းရေးမှူး ဦးခိုင်စိုးနိုင်
၁၃ တွဲဖက် အထွေထွေအတွင်းရေးမှူး ဦးခိုင်အောင်စိုးသန်း

 

စစ်ရေးခေါင်းဆောင်များ

ဦးစီးချုပ် ခိုင်ရဲခိုင်

ဒုတိယဗိုလ်မှူးကြီး ကျော်စိုးနိုင်

ဗိုလ်မှူး ခိုင်မျိုးဝင်း

ဗိုလ်မှူး ခိုင်ဘုန်းမြတ်ဇော် (ရမ္မာဝတီ တပ်ရင်းမှူး)

ဗိုလ်ကြီး ခိုင်နေမင်း (ရမ္မာဝတီ တပ်ရင်း)

* ဒေါ်စောမြရာဇာလင်း (NCCT အဖွဲ့ဝင်)

 

ငြိမ်းချမ်းရေးလုပ်ငန်းစဉ်

 

ပြည်နယ်အဆင့် ငြိမ်းချမ်းရေးဆွေးနွေးပွဲအဖြစ် အပစ်အခတ် ရပ်စဲရေး ဆွေးနွေးမှုကို ၂ဝ၁၂ ခုနှစ် ဧပြီလ ၅ ရက်တွင် ပြုလုပ်သည်။ မြန်မာအစိုးရနှင့် အပစ်အခတ် ရပ်စဲသော ၁၁ ဖွဲ့မြောက် တိုင်းရင်းသားလက်နက်ကိုင် အဖွဲ့ ဖြစ်လာသည်။ အပစ်အခတ် ရပ်စဲပြီးနောက်ပိုင်း တိုက်ပွဲများ မရှိပါ။ တရားဝင် ဆွေးနွေးရေး ကိုယ်စားလှယ်မှာ အတွင်းရေးမှူး ဦးခိုင်သုခ ဖြစ်သည်။

 

၂ဝ၁၅ ခုနှစ် အောက်တိုဘာလ ၁၅ ရက်တွင် အပစ်အခတ် ရပ်စဲရေး သဘောတူစာချုပ် (NCA) ကို လက်မှတ် ရေးထိုးသည်။

 

တရားဝင် ကိုယ်စားလှယ်အဖွဲ့

ဒေါ်စောမြရာဇာလင်း (UPDJC)

Participation in the Peace Process

Ceasefire Agreements

Statements

Liaison offices

 

Contact:

Website           : http://www.arakanalp.com/
Email               : [email protected]
Phone              : 09260438424, 09425018154